Агарод на акне
На вуліцы яшчэ толькі красавік месяц, нядаўна зазелянела трава, а маленькія выхаванцы рознаўзроставай групы №1 ужо могуць пахваліцца сваім ураджаем на агародзе на акне – тут густа зелянее цыбуля і гадуецца памідор. У сакавіку, вывучаючы тэму “Агародніна”, дзеці разам з выхавальнікамі Былінскай І.А. і Маханеўскай Т.Г. пасадзілі прынесеныя з дому галоўкі цыбулі ў ваду і ў зямлю. Кожны дзень па чарзе даглядалі іх: палівалі, назіралі, вызначалі ўмовы, якія патрэбныя для іх добрага росту (дастатковая колькасць вільгаці і святла). Для гэтага на акенцы зайграла промнямі яркае сонейка і з’явіліся буйныя кроплі дажджу. Вынік дзіцячай працы радуе вока – цыбуля і памідор растуць з кожным днём, ужо спрабуем на смак зялёныя вітаміны.
Спадзяёмся, што маленькія выхаванцы з задавальненнем будуць дапамагаць сваім бацькам або бабулям на агародзе – першапачатковыя навыкі ў іх ужо закладзены.
Выхавальнік Былінская І.А.
