Вясна сваімі рукамі
Крокамі нясмелымі вясна ідзе да нас,
Усе ў чаканні прыгажосці, сонечных хвілінак.
Мы вясны прыход прыблізіць запрашаем Вас
Запляцем мы кветкі-стужкі ў валасы дзяўчынак…
Творчы майстар-класс пад назвай “Вясна сваімі рукамі” прайшоў 21 сакавіка ў сярэдняй группе №6 дзяржаўнай установы адукацыі “Вучэбна-педагагічны комплекс Смаргонскі яслі-сад – пачатковая школа”.
На мерапрыемства былі запрошаны матулі і бабулі дзяўчынак групы. Выхавальнік дашкольнай адукацыі Кацярына Славаміраўна Путырская – таленавітая рукадзельніца, пасвяціла прысутных у таямніцы вырабу ўпрыгожванняў для валасоў з атласных стужак.
Узнёслы расказ і паказ выхавальніка зацікавіў прысутных, і праз кароткі час усе акунуліся ў цёплую атмасферу творчасці і супрацоўніцтва.
У кожнага атрымаліся непаўторныя, эксклюзіўныя ўпрыгожванні для валасоў, якія матулі і бабулі ў канцы сустрэчы з пяшчотай заплялі ў косы сваіх маленькіх модніц. Кожная дзяўчынка была бязмерна шчаслівая атрымаць падарунак, старанна зроблены рукамі сваёй матулі ці бабулі.
