"Да вытокаў роднай мовы"
Напярэдадні новага навучальнага года, з улікам пажаданняў бацькоў, у нашай установе пачала працаваць першая беларускамоўная група.
Сёння яе наведваюць 18 дзетак ва ўзросце ад 1 да 3 гадоў. На працягу дня выхавацелі і спецыялісты арганізоўваюць выхаваўчы працэс толькі на роднай мове: размаўляюць, чытаюць, гуляюць з дзецьмі. З малых гадоў расказваюць выхаванцам пра культуру беларусаў і народныя святы.
<font color="#000080">Усё ў групе, як і ў іншых выхаванцаў садка. Можа, толькі больш упрыгожванняў у беларускім стылі, стэнды на беларускай мове і гаворка родная. Аздабляць інтэр'ер з задавальненнем дапамагаюць бацькі. </font>
<font color="#000080">У</font> групе створаны ўсе ўмовы для насычанага і цікавага жыцця выхаванцаў. Кожны дзень яны з задавальненнем прыходзяць у садок, каб паказаць свае таленты і праявіць сябе ў розных відах дзейнасці.
