"У госці казка завітала"
Зіма – асабліва напярэдадні навагодніх і калядных святаў, - час цудаў і падарункаў. І кожнае дзіця марыць, каб у госці завітала добрая казка. Ажыццявіць дзіцячыя мары у нашых сілах, дарослых.
З гэтай мэтай у нашай беларускамоўнай групе прайшоў занятак “У госці казка завітала!”. Для маленькіх выхаванцаў сюрпрызным момантам было з’яўленне казачнага куфэрка, які пры прагаворванні “чароўных” слоў падарыў дзецям рэпку з аднайменнай беларускай казкі.
Затым юныя артысты прадэманстравалі свае артыстычныя здольнасці. Яны з задавальненнем пераўвасобіліся ў герояў любімай казкі з дапамогай лялек бі-ба-бо.
Для замацавання ўяўленняў пра рэпку і развіцця дробнай маторыкі рук выхаванцы ўпрыгожвалі сілуэты рэпак прышчэпкамі - “лісточкамі”.
Напрыканцы ў чароўным куфэрку з’явілася вялікая кніга з казкамі, якія вельмі любяць слухаць маленькія выхаванцы.
<font color="#0000cd" face="times new roman, times, serif">Выхавальнік дашкольнай адукацыі: </font><font color="#0000cd" face="times new roman, times, serif">Ірына Анатольеўна Былінская</font>
