21.02.2019 “Мова родная пявучая і звонкая”
21 лютага ў нашай установе, як па ўсёй краіне святкуецца міжнародны Дзень роднай мовы. Беларуская мова – адзін з сімвалаў нашай дзяржавы, яна як ласкавая маці агортвае нас сваёй цеплынёй, чысцінёй і пявучасцю. Наогул увесь тэматычны тыдзень праходзіць у нас пад назвай “Мова родная пявучая і звонкая” мы ўслаўлялі нашу мову і беларускія нацыянальныя традыцыі. А сёння выхаванцы старэйшай групы № 8, пад кіраўніцтвам Камінскай М.Ф., не толькі размаўлялі на роднай мове, але пашырылі свае ўяўленні аб гісторыі станаўлення нашай дзяржавы- Рэспублікі Беларусь. Спачатку на першым занятку “Дзіця і грамадцтва” мы “вандравалі” па беларускіх гарадах і вёсках, якія адзначаны на карце Рэспублікі Беларусь, а затым наведалі рэкрэацыю на другім паверсе, дзе размешчана сімволіка Рэспублікі Беларусь, горада Смаргонь і нашай установы адукацыі. Там нашы будучыя першакласнікі ўзбагацілі свае веды аб галоўных сімвалах дзяржавы, мы разгледзілі выявы герба і сцяга РБ, герба і сцяга горада Смаргоні і нашай адукацыйнай установы. У канцы нашай экскурсіі маленькія патрыёты выканалі гімн РБ.
